భారతీయుల్లో దేశభక్తిని నింపిన గేయం ‘వందేమాతరం’.

సామూహిక వందేమాతరం గేయాలాపన వేడుకలో పాల్గొన్న నిజామాబాద్ అర్బన్ ఎమ్మెల్యే ధన్ పాల్ సూర్యనారాయణ.

నిజామాబాద్ పట్టణ కంటేశ్వర్ డివిజన్‌లోని వివేకానంద హై స్కూల్లో శుక్రవారం సామూహిక వందేమాతరం గేయాలాపన ఘనంగా జరిగింది. ఈ వేడుకలో అర్బన్ ఎమ్మెల్యే ధన్‌పాల్ సూర్యనారాయణ పాల్గొని విద్యార్థులతో కలిసి గేయాన్ని ఆలపించారు.

ఈ సందర్భంగా ఆయన మాట్లాడుతూ స్వాతంత్య్ర ఉద్యమంలో కోట్లాది భారతీయుల్లో ఈ గేయం దేశభక్తిని నింపిందని, విప్లవాకారులు ఈ గేయం స్పూర్తితో బ్రిటిష్ పాలనకు వ్యతిరేకంగా పోరాడారని గుర్తుచేశారు. బంకిమ్‌చంద్ర చటర్జీ జ్ఞాపకార్థం, యువతలో దేశభక్తి పెంపొందించేందుకు 150 ఏళ్ల వేడుకలు దేశవ్యాప్తంగా నిర్వహించాలని కేంద్ర ప్రభుత్వం నిర్ణయించిందని తెలిపారు. విద్యార్థులు కష్టపడి చదివి ఉన్నత స్థాయిలో నిలవాలని ఆకాంక్షించారు.

కార్యక్రమంలో సౌత్ ఎంఈఓ సాయిరెడ్డి, పాఠశాల ప్రిన్సిపాల్, బీజేపీ కంటేశ్వర్ మండల అధ్యక్షుడు ఆనంద్ రావు, మేకల సాయి ప్రవీణ్, మఠం పవన్, ముండాడ పవన్, బీజేపీ మండల అధ్యక్షుడు బాబీ సింగ్, సతీష్ తదితరులు పాల్గొన్నారు.